பதிவுலக ரவுண்டப் - ஒரு அட்டகாசமான பதிவு.

தலைவர் சந்தானத்துக்கு ஃபான் கிளாப் தொடங்கலாம்னு பதிவுலகத்துல  காலடி எடுத்து வச்சு, ஒரு வாசகனாகி இந்த ரெண்டு மாசத்துல நாங்க புரிஞ்சுக்கிட்டது, தெரிஞ்சுகிட்டது அப்புறம்  வாங்கிய பல்புகளின் தொகுப்பு இது.

தலைவர் ரசிகர்கள்னு சொல்லிபுட்டு தலைவர் படம் இல்லாம ஒரு பதிவா?

எதோ நம்ம பாட்டுக்கு தலைவர பத்தியும் சினிமா பத்தியும் பதிவு எழுதிட்டிருந்தப்போ ஒரு பதிவுக்கு கொஞ்சம் கமெண்டு வந்திச்சு, நம்மள மதிச்சும் நாலுபேரு கமெண்டு போடுறாங்களேன்னு ஒரு மிதப்புலையே இவங்கல்லாம் யாருன்னு பாப்பமேன்னு ஆரம்பிச்சதுதான் பதிவுன்னா என்னா, பதிவர்னா என்னன்னு புரியவச்சிது. நமக்கும் எதாச்சி பொறுப்பு இருக்கும்போலன்னு சிந்திக்கவச்சது.

இம்புட்டு பெரியமனுஷனுங்கெல்லாம் நம்ம ப்ளாகுக்கு வந்திருக்காங்களே, நன்றி, தொடர்ந்தும் வாங்கன்னு இவங்க காமெண்டுக்கெல்லாம் பதில் போட்டது எம்புட்டு திமிர்தனம்னு, அசிங்கப்பட்டான் ஆட்டோகாரன் ரேஞ்சுக்கு ஷேம் ஷேம் பப்பி ஷேமா போச்சி.

எங்க நல்லநேரம் எங்களுக்கு டியுஷன் எடுக்கற மாதிரியே, நெறைய பதிவுகள் வந்திச்சி,

பதிவுலகால் புறக்கணிக்கப்பட்ட பதிவரின் உள்ளக் குமுறல்!

கமெண்ட் போடுவது எப்படி? (இது இல்லனா இன்னமும் நன்றி தொடர்ந்தும் வாங்கத்தான்),

யோக்கிய பதிவர்களை நசுக்கும் அயோக்கிய பதிவர்கள் (இத படிச்சதுக்கப்புறம் பிரபல பதிவர்ங்குற வார்த்தையே என்னமோ கெட்ட வர்தயாதான் தோணுது)

இந்த பதிவர்கள் தொல்ல தாங்கமுடியடா சாமி (இத வாசிச்சிருக்கலனா நாங்களும் நெறைய பேருக்கு ஈ மெயில் அனுப்பியிருப்பம்),

இப்பிடி எக்கச்சக்கம், இம்புட்டு மேட்டர் இருக்கா பதிவுலகத்துலன்னு மூக்கு வேர்த்துடுச்சு. அப்புறமாதான் இன்னுமொரு விஷயம் கண்ண குத்திச்சி, அது என்னன்னா.... 

ஒருத்தனுக்கு எத்தன பேர்டா ஆப்பு வைப்பீங்க, கூகுலுமா. 

சமீபத்துல முகப்புத்தகத்த பாத்தா, Do not see idiots movie ன்னு கூகிள் ட்ரான்ஸ்லேடர்ல அழுத்தி பாருங்க செம காமெடின்னு போட்டிருந்திச்சு. நாம அழுத்தி பாத்தா "idiots படம் பாக்கதீங்கன்னு" சொல்லிச்சு, இதுல என்னடா காமெடின்னு யோசிச்சிட்டே இருந்தோமா அப்புறமாதான் தெரிஞ்சிச்சு, idiots ன்னா அது என்னமோ ***** ன்னு மொழிபெயர்த்திருக்கு, இதுல கொடும என்னனா கூகிள், பதிவர்களான நம்மகிட்ட இருந்துதான் தமிழ் கத்துக்குதமே (நாம எல்லாருமா சேந்து ஏன் ஒரு கட்டணம் வசூலிக்க கூடாது?),  நாம போடுற மொக்க எப்பிடியெல்லாம் பாதிக்குதுன்னு தெரிஞ்சுகிட்ட்டதுக்கு அப்புறம்தான் இனிமே தளபதிய கலாய்கிரதில்லன்னு ஒரு பொறுப்புவாய்ந்த முடிவு எடுத்திருக்கோம்.

என்ன சாந்தமான ஒரு முகம் இந்த ஆள எதுக்கு வம்புக்கு இழுக்கறாங்க? சார் நாங்க சமாதானம் சார். 

அதவிடுங்க சார், கூகுளுக்கே தமிழ் கத்துக்குடுக்கற நமக்கே சில இணையத்தளங்கள் தமிழ் கத்துக்குடுக்கும் பாருங்க, "திறமை காட்டுதல்", "தாராளம்", "பெரிய மனசு" ஐயோ ஐயோ ஐயோ, இவங்ககிட்ட தமிழ் கத்துகிட்டா கூகிளோட நெலம என்ன ஆகும். (இதுதான் ஆணாதிக்க தமிழோ?) யாராச்சி சீரியஸா ஒரு நல்ல பெண்மணிய பத்தி அவங்களோட பெரியமனசு, தாராளமா நடந்துகிட்டாங்க, வேலையில அப்பிடியொரு திறம காட்டி உயர் அதிகாரிகள திருப்திப்படுத்தி முன்னுக்கு வந்தாங்கன்னு எழுதினா அத கூகுள்ல ட்ரான்ஸ்லேட் பண்ணி வாசிக்கற வெள்ளைக்காரன் எப்புடி புரிஞ்சுக்குவான்? #டவுட்டு? (அதென்ன ஆணாதிக்க தமிழ்னு யோசிக்கறவங்க இதே வசனத்த பெண்மணிக்கு பதில் ஆண்மகன்னு போட்டு வாசிச்சு பாருங்க புரியும்)

ஒரு ஐஸ் கரீம கூட சிந்தாம சாப்பிடத்தெரியல சின்ன பொண்ணுய்யா, இந்தப்பொண்ணபோய் ...

ஆண் பதிவரா இருந்தா எதாச்சும் ஒரு நடிகைக்கு வெறித்தனமா நூலு விடனுமாமே , நாங்களும் யாரடா பிடிக்கலாம்னு தீவிரமா யோசிச்சு ஒருத்தருக்கு காஜல் அகர்வாலும் அடுத்தவருக்கு சமந்தாவும்னு முடிவுபண்ணா (இப்ப புரிஞ்சிருக்குமே நாங்க ஏன் பிரிஞ்சுட்டோம்னு) , இந்த காஜல் பொண்ணு பண்ணின கூத்துனால ஒருத்தருக்கு செம பல்பு.  இது கிக்கான பிகருன்னு பாத்தா மக்கான பிகரா இருக்கேன்னு இன்னிவரைக்கும் ஒரே புலம்பல். நேத்து வந்த பியாவுல இருந்து நாளக்கி வரப்போற சரண்யா வரைக்கும் செம டிமாண்ட்ல இருக்கு, யாராச்சும் இந்த பிரனீதா பொண்ணாவது ப்ரீயா இருக்கான்னு செக் பண்ணி சொல்லுங்கப்பா.

"அயோக்கியப்பதிவர்கள்" (அப்பிடின்னா என்னா?) விளம்பரத்துக்காக நடிகைகளோட போட்டோவ  பதிவுல போடுறாங்கன்னு ஒரு குற்றச்சாட்டு, அப்புறமாதான் யோசிச்சு பார்த்தோம், இதுவரைக்கும் நாங்க ஒரு நடிகையோட போட்டோ கூட போடலியே, ஒரு வேள நம்ம ப்ளாகுக்கு வர்றவங்க நம்மள ஆணாதிக்கவாதிகள்னு நெனச்சிட்டா, அதுதான் இளையதளபதியோட சமாதானமான கையோட இலியானா படத்த போட்டு நாங்க ஆணாதிக்கவாதிகள் இல்லன்னு அடிச்சு சொல்லிட்டம், அத நிரூபிக்கறதுக்காக இனிமே பதிவுகள்ள நல்ல படங்களா போடலாம்னு இருக்கம்.

இது பிரனீதா இல்லீங், தமிழ் படத்துல நடிச்ச பொண்ணு, தேறுமான்னு தெரியல அதாங்..

கடைசியா ஒரு மேட்டர், சினிமா பத்தி மட்டுமே பதிவு எழுதறோமே, கொஞ்சம் வித்தியாசமா புதுசா எதாச்சி ட்ரை பன்னுவமேன்னு ஒரு மூணு நாலு ஐடியா புடிச்சோம், அப்புறம் ஒவ்வொரு ப்ளாக்கா   வாசிக்கும்போதுதான் புரிஞ்சிச்சு நம்ம புடிச்ச ஐடியா எதுவுமே புது சரக்கில்ல, ஆல்ரெடி நெறயப்பேர் அதெல்லாம் பண்ணிகிட்டிருக்காங்கன்னு, இனிமே புதுசா யோசிக்க எதாச்சும் மிச்சம் மீதி இருக்கான்னு தெரியல, என்ன வாழ்கடா இது.

ஆங், இத மறந்திட கூடதுப்பு, நம்ம பதிவுகளுக்கு தொடர்ந்து ஆதரவு தந்து பின்னூட்டம் போடும் அன்பு நெஞ்சங்களுக்கு மனமார்ந்த நன்றி.

சத்திய பிரமாணம்: இனிமேல் நாங்கள் பதிவுலக விதிக்கு கட்டுப்பட்டு நடப்போம் எனவும், ஜனநாயக கடமையினை தவறாது நிறைவேற்றுவோம் எனவும், குறைந்தபட்ச ஒழுக்கம் கட்டுப்பாடாவது பேணி நடப்போம் எனவும், தனிமனித தாக்குதல், திருட்டுப்பதிவு, சம்பந்தமில்லாத தலைப்பில் பதிவு, விளம்பரம் போன்றவற்றில் இருந்து இயன்றவரை தவிர்ந்து நடப்போம் எனவும், இயன்றவரை தமிழ் கொலை, எழுத்துக்கொலை போன்றவற்றில் ஈடுபடாதிருப்போம் எனவும், சுய லாபம் தேடி பிரபலங்கள் பெயரை கெடுக்காமல் நடந்துகொள்வோம் எனவும், மொக்க போட்டாலும் மொக்க மொக்க போடாமல் இருப்போம் எனவும் தலைவர் சந்தானம் சாட்சியாக உறுதி கூறுகிறோம். (அப்பிடீன்ன நீங்க பதிவு எழுதறத நிறுத்த போறீங்களான்னு கேக்குறீங்களே, இது நியாயமா?)

சத்திய பிரமாணம் எடுத்துக்கிட்டா உடனே செயல் படித்திடனும். 

முக்கியமான டிஸ்கி: நல்லதம்பின்னு பேரவச்சிக்கிட்டு அட்டகாசம்பண்ணலாம்னு பாத்தா ரொம்ப கொடும சார், அதே பேருல ஒருத்தர் ஏற்கனவே சலூன் ஆரம்பிச்சு இப்ப எந்த பதிவுமே போடாம  இருக்கார். அதனால இன்னில இருந்து நல்லதம்பிங்குற பேர Dr. Butti paul ன்னு மாத்திக்குறேன் (இது சமீபத்துல வாங்கின பல்பு) . பேரையும் புடிச்சிகிராய்ங்க , பதிவும் போட மாட்டாய்ங்க, தெரியாமத்தான் கேக்குறேன் இவிங்கெல்லாம் அவ்ளோ பெரிய அப்படாக்கரா?


டிஸ்கி 1: இந்தப்பதிவுக்கு "விஜய்யால் கூகுளுக்கு வந்த சோதனை" அப்பிடின்னு தலைப்பு வைக்கிறதாதான் பிளான், அப்புறம் யாராச்சும் அதுக்கு தனியா ஒரு பதிவு போட்டு கும்மிடுவாங்களோன்னு  தலைப்ப மாத்தி வச்சிட்டோம். ஆமா இந்த சம்பந்தமே இல்லாம தலைப்பு வக்கிரத யாரு ஆரம்பிச்சு வச்சா?

டிஸ்கி 2: கும்முவதாக இருந்தால் தாராளமா கும்மவும், நிறை குறைகளை சுட்டிக்காட்டி மெருகேற்றுவதா இருந்தா அதையும் பண்ணுங்க, இதெல்லாம் ஒருத்தருக்கு ஒருத்தர் பண்ணிக்கரதுதனே. ரொம்ப நன்றிங்க.