பொழிவிழந்த சூர்யா, ரெண்டாவது படம், வை திஸ் கொலவெறி டி?: கும்ப்ளிங் கும்ப்ளிங் 22/11/2011

பொலிவிழந்த சூர்யா

சில பல வேலைகளின் காரணமாக ஏழாம் அறிவு படத்தை ரொம்ப லேட்டாக தான் பார்க்க கெடைச்சது. நம்ம டாக்டர் புட்டிபால் அமேரிக்கால இருந்தாலும் மொத வாரமே பார்த்து ரொம்ம்ம்ப நடுநிலையா விமர்சனம் போட்டு இருந்தாரு. ஆனாலும் அவ்வளவு எதிர்பார்ப்பு இல்லாமல் இருக்குற ஆணிய எல்லாம் புடுங்கி முடிச்சிட்டே படம் பார்த்தேன். படத்த பத்தி புட்டிபால் மாதிரி என்கிட்ட  சொல்றதுக்கு ஒன்னுமே இல்ல. ஆனா படத்த பார்த்தப்போ நோட் பண்ண ஒரு விஷயம்தான் உறுத்திகிட்டே இருக்கு. சூர்யா மிக சிறந்த நடிகர்தான், ஒவ்வொரு கேரக்டருக்கும் ரொம்பவே மெனக்கெடுறாரு, இவரது சமகால நடிகர்கள் செய்யத்தயங்கும் பல விசயங்களை கடின உழைப்பு மூலமா ரொம்ப அசால்ட்டா செஞ்சிர்றாரு. ஆனா அதுவே இவருக்கு வினையா முடிஞ்சிருமோன்னு தோணுது. ஆமாங்க அந்த போதிதர்மர் கேரக்டருக்கும் சிக்ஸ் பேக்குக்கும் பட்ட கஷ்டங்கள் படம் பூரா அவரு மூஞ்சில அப்புடியே தெரியுது. சாதாரண சர்கஸ் மேனாக வரும் சூர்யாவின் முகத்தில் அந்த பழைய பொலிவு அப்டியே மிஸ்ஸிங். அப்புறம் ஏழாம் அறிவு வெற்றி சரித்திரம், குட்டி சரித்திரம்ன்னு டிவி டிவியா வந்து மூஞ்ச காட்டும்போது இன்னும் பாவமா இருக்கு. நோகாம நொங்கு எடுக்குற இவரு தம்பி கார்த்தி, வேலாயுதம் விஜய் போன்றோரின் முகத்தில் இருக்கும் பிரஷ்னஸ் இவருகிட்ட குறஞ்சிகிட்டே போகுது. கேரக்டரும், அதுக்கு கிடைக்கும் பாராட்டுகளும் முக்கியம்தான் ஆனா அதவிட ஒரு நடிகனுக்கு மூஞ்சி முக்கியமில்லையா? ஒரு மனுஷனுக்கு உடம்பு முக்கியமில்லையா? கொஞ்சம் பார்த்துக்குங்க பாஸ்!!!

இம்மொர்டல்ஸ்

இம்மொர்டல்ஸ்ன்னு  ஒரு படம். எதோ 300 அப்புடின்னு ஒரு படம் எடுத்தவங்க எடுத்த படமாம், நம்ம புட்டிபால் அமெரிக்கால தியேட்டர்க்கு போயி படத்த பார்த்துருக்காரு. போனா முதலாவது சீன்லயே அவரு பேவரிட் ப்ரீடா பின்டோ, டாக்டர் ரொம்பவே குஷியாகிட்டாராம், கொஞ்ச நேரம் கழிச்சி ஒரு சீன், சீனோட அட்மொஸ்பியர பாத்ததா நிச்சயமா இது அந்த சீன்னு அவரு உள்மனசு சொல்லிருக்கு, பாத்துட்டே இருந்தா சாட்ச்சாத் அதே தான், படம் வேற 3D லையா, அப்படி ஒரு கண்கொள்ளா காட்சி. நல்லா அனுபவிச்சி பார்த்துட்டு  அப்புறம் இந்த பொண்ணு இப்படி நடிச்சிடுச்சேன்னு ஒரே பீலிங்கா ஆயிருக்காரு, வீட்டுக்கு வந்ததும் மொத வேலையா அந்த சீன் பத்தி கூகிள்ட விசாரிச்சிருக்காரு, அப்புறம்தான் அது உண்மையிலேயே அந்த பொண்ணு இல்ல, பாடி டபால்ன்னு அவருக்கு தெரிய வந்ததாம். அதுக்கப்புறமாதான் நிம்மதியா தூக்கமே வந்திருக்கு அவருக்கு. இத எதுக்கு சொல்றேன்னா அந்தப்பொண்ணுதான்னு நினைச்சு யாரும் ஏமாந்திட கூடாதில்ல, அதுக்குதான். இன்போர்மேஷன் இஸ் வெல்த்ன்னு நம்ம செந்தில் சொல்லிருக்கார்ல்ல..

வை திஸ் கொலவெறி டி?

இப்ப எல்லா படத்துக்கும் இந்த சிங்கிள் ட்ரக் ரிலீஸ் பண்றது ஒரு ட்ரென்டாவே ஆகி போச்சி. இப்புடி ஒரு கல்ச்சர்(!) எப்படி உருவானதுன்னு பார்த்தீங்கன்னா நமக்கு தெரிஞ்சு உன்னை போல் ஒருவன் படத்துல அந்த ஸ்ருதி பாடுன பாட்டுதான். ஆனாலும் அதுக்கு பிறகு  இந்த கல்ச்சர்(!) ஒன்னும் பெருசா ஹிட் ஆகல.  அப்புறம் வானம் படத்துல "எவன்டி உன்ன பெத்தான்"ல இருந்துதான் இது சூடு புடிச்சிச்சி. அதுக்கு பின்னாடி உள்ள உண்மை என்னன்னா, வானம் படத்துக்கு யுவன் சோம்பேறித்தனமாய் அதிக நேரம் எடுத்து கொண்டதால தயாரிப்பாளர் கணேஷ் ரொம்ப கஷ்டப்பட்டு கெஞ்சி கூத்தாடி யுவனிடம் இருந்து எப்புடியாவது ஒரு பாடலை புடுங்கி வெளியிட்டாரு. அவரு அப்ப கனவுலையும் நெனச்சிருக்க மாட்டாரு இது இப்புடி  ஒரு புது ட்ரென்டா உருவாகும்ன்னு. அதுக்கப்புறமும் அதே யுவனின் சோம்பேறிதனத்தின் காரணமாக வெங்கட் பிரபு புடுங்கி வெளியிட்ட "விளையாடு மங்காத்தா"வும் ஹிட்டாகிருச்சு.  இப்போ லேட்டஸ்டா ட்விட்டர்ல, பேஸ்புக்ல, யூட்யூப்ல, கூக்ள்ல, பிளாக்லன்னு எல்லா பக்கமும்  "வை திஸ் கொலவெறி டி?".  இந்த பாடல் ரிலீஸ்  கூட திட்டமிட்ட செயல் கெடையாது, யாரோ ஒரு புண்ணியவான் புது இசையமைப்பாளர் அனிருத் ரெக்கார்டிங்  தியேட்டர்ல இருந்து திருட்டுதனமா சுட்டு வெளியிட, ஐஸும் அவுங்க ஹப்பியும் சுதாரிச்சிகிட்டு  பாடல் ரெகார்டிங் வீடியோவையும் சேர்த்தே சிங்கிள் ட்ரக்கா வெளியிட, ஒங்க வீட்டு எங்க வீட்டு இல்லாம ங்கொக்காமக்கா ஹிட்டாகி போச்சி பாட்டு. யூட்யூபில் ஒரு மில்லியன் எனும் மைல்கல்லை கடந்து 1.5 மில்லியன் விவ்ஸ் தொட்ட முதல் தமிழ் பாடல் என்னும் பெருமை வேற. போதாகுறைக்கு  எவன பாத்தாலும் வை திஸ் கொலவெறின்னு ஸ்டேடஸ் போடுறான், நம்ம காட்டுப்பூச்சி ஒரு படி மேலேயே போயி எதுக்கெடுத்தாலும் சம்பந்தா சம்பந்தம்(சமந்தா இல்ல)இல்லாம இதையே கமெண்டா போட்டுக்கிட்டு திரியறாரு. நம்ம ரசிக பாப்பாக்களுக்கு இது போதாதா? சிம்புவா-தனுஷான்னு மறுபடி ஆரம்பிச்சுட்டாங்க. எதுக்கெடுத்தாலும் மல்லுக்கு நிக்கும் சிம்பு முதல் முறையா ட்விட்டர்ல அவரோட ரசிகர்கள கண்டிச்சிருக்காரு, தனுஷ் என்னோட நண்பர், அப்புடின்னு சொல்லியிருக்காரு, ஆனா கூடவே நான் பாத்துக்கறேன்னு வேற சொல்லி பீதிய கெளப்புராறு, வை திஸ் கொலவெறி மாமா? போதாகுறைக்கு மயக்கம் என்னவும் ஒஸ்தியும் சரியா ஒரு வார இடைவெளில ரிலீஸ். என்னமோ போங்க தனுஷ்-சிம்பு காம்பினேஷன் மறுபடியும் சூடு பிடிக்குதுடோய். பட் அந்த பாட்ட நீங்களும்தான் கேட்டு பாருங்களேன், தனுஷும் நல்லாதம்லே பாடுறாரு!!

 ரெண்டாவது படம்:  

அகில உலக சூப்பர் ஸ்டார், விடிவெள்ளி, புரட்சி புயல், பெரிய தளபதி, 2016 சீப் மினிஸ்டர் மிர்ச்சி சிவா நடிச்ச தமிழ்படத்த யாரும் மறந்துருக்க மாட்டீங்க. ஒட்டு மொத்த தமிழ் சினிமா கிளிஷேக்களையும் வாரு வாருன்னு வாருன படம். அந்த படத்தின் டைரக்டர் சி.எஸ். அமுதனின் ரெண்டாவது படம் ரெண்டாவது படம். டபுள் டைபிங் எரர் இல்லேங்க, அதுதான் படத்தோட டைட்டிலே. இந்த வாட்டி களவானி விமல், அஜித் மச்சான் ரிச்சர்ட், அரவிந்த் ஆகாஷ்ன்னு புது டீமோட களமிரங்குராறு. படத்தோட டைட்டில் ஒரு பக்கம் கவருதுன்னா கேப்ஷன்ங்கள் இன்னும் எதிர்பார்ப்ப எகிற வைக்குது. உதாரணத்துக்கு "காதலுடன் கூடிய ஆன்மீக ஆக்‌ஷன் நிறைந்த கிராமிய அனிமேஷன் காவியம்", "A period, sci-fi action thriller with animation, romance and NO SPOOFS", "An erotic family drama with romance, horror and NO SPOOFS" ன்னு கலக்கலா இருக்குது. சம்மர் 2012 ரிலீஸ்ன்னு அறிவிச்சிருக்காங்க. ஏற்கனவே சுந்தர்.C யின் மசாலா கபேயும் சம்மர் 2012 ரிலீஸ். ஆகா மொத்ததுல காமெடி பிரியர்களுக்கு கொண்டாட்டமான சம்மர்தான். ஆமா இந்த டைரக்டர் தன்னோட அடுத்த படத்துக்கு சி.எஸ். அமுதனின் மூணாவது படம், அப்புறம் சி.எஸ். அமுதனின் நாலாவது படம்ன்னு இதையே பொழப்பா வச்சுப்பாரோ? #டவுட்டு

டிஸ்கி: இதுவரைக்கும் யாரவது டிஸ்கில படம் போட்டு இருக்காங்களா? தமிழ் பதிவுலக வரலாற்றுலயே  ரெண்டாவது^corrected முறையா நாங்க போடுறோம்,, ஹீ ஹீ..

ரஜினி-கமல், அஜித்-விஜய், விக்ரம்-சூர்யா, சிம்பு-தனுஷ் ஹெவி காம்படிஷன் மச்சி.... அவுங்களுக்குள்ளதானே காம்படிஷன் இவனுக்கு என்ன பிரச்சின?

பிற்சேர்க்கை: செங்கோவி அண்ணனும் தனது பிளாகில் டிஸ்கியில் போட்டோ போட்டு உள்ளார் என கமெண்ட்ஸ் மூலம் தெரிய படுத்திய செங்கோவி அண்ணனுக்கும், யோகா ஐயாவிற்கும் நன்றிகள்.

Tweet

Post Comment